ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱭᱟᱜ ᱡᱚᱛᱷᱟᱛ ᱢᱟᱹᱱ

Abstract

ᱱᱟᱦᱟᱜ ᱚᱠᱛᱚ ᱨᱮ ᱛᱤᱸᱜᱩ ᱠᱟᱛᱮ ᱥᱟᱱᱟᱢ ᱥᱟᱱᱛᱟᱲ ᱠᱚ ᱟᱭᱳ ᱟᱲᱟᱝ ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱜᱤᱫ ᱜᱚᱨᱚᱵ ᱠᱚ ᱟᱹᱭᱠᱟᱣ ᱜᱮᱭᱟ ? ᱥᱟᱱᱟᱢ ᱴᱷᱟᱶ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮ ᱨᱚᱲ ᱨᱮᱠᱚ ᱨᱟᱹᱥᱠᱟᱹᱜ ᱜᱮᱭᱟ ? ᱚᱥᱴᱨᱤᱠ ᱯᱟᱹᱨᱥᱤ ᱜᱷᱟᱨᱚᱸᱡ ᱨᱮᱱᱟᱜ ᱱᱚᱣᱟ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱟᱞᱟ ᱛᱮᱜᱮ ᱥᱟᱱᱛᱟᱲ ᱡᱟᱹᱛ ᱠᱚᱣᱟᱜ ᱩᱯᱨᱩᱢ ᱡᱮᱜᱮᱛ ᱡᱟᱠᱟᱛ ᱨᱮ ᱵᱟᱸᱪᱟᱣ ᱮ ᱫᱚᱦᱚ ᱟᱠᱟᱫᱟ । ᱵᱷᱟᱨᱚᱛ ᱫᱤᱥᱚᱢ ᱨᱮ ‘’᱗᱕ ᱢᱤᱞᱤᱭᱚᱱ’’ ᱜᱟᱱ ᱦᱚᱲ ᱥᱟᱱᱛᱟᱲᱤ ᱯᱟᱹᱨᱥᱤ ᱛᱮᱠᱚ ᱨᱚᱲ ᱠᱟᱱᱟ । ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚ ᱟᱯᱱᱟᱨ ᱠᱟᱹᱢᱤ ᱡᱚᱛᱷᱟᱛ ᱮ ᱠᱟᱹᱢᱤ ᱠᱟᱱᱟ, ᱢᱮᱱᱠᱷᱟᱱ ᱟᱵᱚ ᱪᱮᱫ ᱱᱚᱣᱟ ᱥᱟᱱᱛᱟᱲᱤ ᱯᱟᱹᱨᱥᱤ ᱦᱟᱨᱟ ᱨᱟᱠᱟᱵ ᱞᱟᱹᱜᱤᱫ ᱡᱚᱛᱷᱟᱛ ᱵᱚᱱ ᱠᱟᱹᱢᱤ ᱠᱟᱱᱟ ? ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱥᱚᱝᱵᱤᱫᱷᱟᱱ ᱨᱮ ᱥᱮᱞᱮᱫ ᱟᱠᱟᱱ ᱒᱒ ᱜᱚᱴᱟᱝ ᱯᱟᱹᱨᱥᱤ ᱞᱮᱠᱟ ᱜᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱦᱚᱸ ᱠᱟᱱᱟ । ᱱᱚᱣᱟ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚ ᱡᱮᱜᱮᱛ ᱡᱟᱠᱟᱛ ᱨᱮᱫᱚ ᱙᱔ ᱟᱨ ᱥᱤᱧᱚᱛ ᱨᱮᱫᱚ ᱑᱓ ᱟᱱᱟᱜ ᱴᱷᱟᱶ ᱮ ᱦᱟᱢᱮᱴ ᱟᱠᱟᱫᱟ । ᱱᱚᱣᱟ ᱫᱚ ᱟᱹᱰᱤ ᱨᱟᱹᱥᱠᱟᱹ ᱟᱱᱟᱜ ᱠᱟᱛᱷᱟ ᱜᱮ ᱠᱟᱱᱟ । ᱱᱚᱛᱮ ᱟᱨᱦᱚᱸ ᱵᱷᱟᱨᱚᱛ ᱵᱟᱦᱨᱮ ᱫᱤᱥᱚᱢ ᱨᱮᱦᱚᱸ, ᱮᱴᱟᱜ ᱡᱟᱹᱛ ᱨᱮᱱ ᱦᱚᱲ ᱠᱚᱦᱚᱸ ᱥᱟᱱᱛᱟᱲᱤ ᱯᱟᱹᱨᱥᱤ ᱤᱫᱤ ᱠᱟᱛᱮ ᱟᱭᱢᱟ ᱞᱮᱠᱟᱱ ᱠᱷᱚᱸᱫᱽᱨᱚᱱ ᱠᱟᱹᱢᱤ ᱠᱚ ᱠᱚᱨᱟᱣᱼᱮᱫ ᱠᱟᱱᱟ । ᱥᱟᱱᱛᱟᱲᱤ ᱯᱟᱹᱨᱥᱤ ᱟᱱᱫᱚᱞᱚᱱ, ᱥᱟᱶᱛᱟ, ᱞᱟᱠᱪᱟᱨ, ᱵᱟᱱᱪᱟᱣ ᱞᱟᱹᱜᱤᱫ ᱛᱤᱱᱚᱜ ᱛᱤᱱᱚᱜ ᱜᱩᱱᱢᱟᱱ ᱜᱟᱠᱷᱩᱲᱤᱭᱟᱹ, ᱵᱤᱨᱼᱵᱟᱱᱴᱟ ᱠᱚ ᱢᱟᱭᱟᱢ, ᱡᱤᱣᱤ ᱥᱟᱱᱟᱢᱟᱜ ᱠᱚ ᱟᱞᱟᱭ ᱟᱠᱟᱫᱟ । ᱱᱟᱦᱟᱜ ᱡᱩᱜ ᱨᱮᱱ ᱥᱟᱱᱟᱢ ᱥᱟᱱᱛᱟᱲᱤ ᱠᱚ ᱪᱮᱫ  ᱱᱚᱣᱟ ᱨᱮᱭᱟᱜ ᱢᱟᱹᱱ ᱥᱮ ᱥᱟᱱᱛᱟᱞᱤ ᱯᱟᱹᱨᱥᱤ ᱞᱟᱦᱟᱱᱛᱤ ᱞᱟᱹᱜᱤᱛᱫ ᱦᱟᱯᱲᱟᱢ ᱠᱚᱣᱟᱜ ᱡᱤᱣᱤ ᱨᱮ ᱥᱟᱱᱛᱤ ᱵᱚᱱ ᱮᱢ ᱫᱟᱲᱮ ᱟᱠᱟᱫᱟ ? ᱯᱟᱹᱨᱥᱤ ᱨᱮ ᱡᱟᱦᱟᱸ ᱞᱮᱠᱟ ᱫᱟᱭᱟ, ᱫᱩᱞᱟᱹᱲ, ᱜᱚᱨᱚᱵ, ᱜᱚᱨᱚᱡ, ᱥᱟᱶᱛᱟᱨᱤ ᱡᱤᱭᱚᱱ ᱛᱟᱞᱟᱛᱮ ᱞᱟᱦᱟᱱᱛᱤ ᱞᱟᱹᱜᱤᱫ ᱟᱨ ᱱᱟᱦᱟᱜ ᱥᱟᱶᱛᱟ ᱨᱮᱱ ᱢᱟᱱᱣᱟ ᱠᱚᱣᱟᱜ ᱯᱟᱹᱨᱥᱤ ᱤᱫᱤ ᱠᱟᱛᱮ ᱚᱠᱟᱞᱮᱠᱟ ᱦᱟᱞᱚᱛ ᱢᱮᱱᱟᱜᱼᱟ, ᱮᱢᱟᱱ ᱠᱚᱜᱮ ᱱᱚᱣᱟ ᱠᱷᱚᱸᱫᱨᱚᱱ ᱚᱱᱚᱞ ᱥᱟᱛᱟᱢ ᱛᱟᱞᱟᱛᱮ ᱥᱟᱵ ᱨᱟᱠᱟᱵ ᱨᱮᱱᱟᱜ ᱤᱧ ᱠᱩᱨᱩᱢᱩᱴᱩ ᱟᱠᱟᱫᱟ ।